قویمایین غم اورگیزده قالا گیرمانه دونه
چالیشین غصه لریز مرهم و درمانه دونه
گول دئین گول اشیدین بش گونوموز خوشلوق اولا
قورویون قلبین ائوینی ، یوخسا تیلیت قانه دونه !
آختارین شادلیقی هریئرده کی وار اوردا اولون
گوروسوز چرخ فلک ایسته ییر هر یانه دونه
آجی سوزلردی اورک مولکونی ویران ائلی ین
نه گوزلدی چاغیراندا جوابین جانه دونه
هیرس یی یب دیشلری سیخما کوته لیبدیر سیناجاق
گول گولوم قوی او صدفلر یئنی مرجانه دونه
کیانام
سویله یرم شانلی غزل ده سوزومی
سئویرم سرخوش اولان نیتی ایمانه دونه
کیان تبریزی
27 فروردین 99