تامارزی قالدیم اوزونده کی خالینا
دویمامیش منی گور ساراتدی گئدی
دالینجا سسله دیم سه دایان گتمه
وفاسیز گونومی‌قاراتدی گئدی
توکلری شوه دیر گوزلری قارا
هیجرانی سازیمی‌گتیردی زارا
سئوگیلیمی‌سسله دیم سارا سارا
اودلو جهنمی‌یاراتدی گئدی
دیلداریم گئدن نن اولدوق آرالی
اورک پارچالانیب تیخا یارالی
حایف کی کوشنین گوزل مارالی
دونیامی‌هجریله داراتدی گئدی
عشقیمی‌سووارمیشام قانیمیلا
بسله میشم کونلومده جانیمیلا
پیشوازینا چیخاردیم آنیمیلا
" کیان نین " باخ‌هارا آتدی گئدی
کیان تبریزی
29 اردیبهشت 99