اشعار " کیان " تبریزی

سئوگی لر ایچره سینه تکجه سنی سئودیم اینان

ال لریمدن قراریم گئدی اورک اولدی تالان

چوخ دولاندیم سنی تاپدیم مارالیم دونیا بویی

سئویرم سئومه لیسن سئویگلی ایستکلی یامان

قویمارام بیرده گئدیب سه منی یالقیز قویاسان

حیاتیم سن سیز اولار‌‌‌ای قارا گوز تیخا یالان

بو حقیقت دی گوزللر ائله مز عهده وفا

آمما من آنلاییرام یاریمی‌ایلقاردا قالان

هر کیمین دیلداری قهر ایله یب آیری یاشیر

بیله کی بیر بئله درد عاشیقینی درده سالان

سن "کیان" یاری بوراخما بو سایاق گِنده قالا

بیلیرسن سئوگیلین اولموش اورگین دردین آلان

کیان تبریزی

12 فروردین 99