نه گوزل دی ائده سن خدمتی ارزش بیله نه
نه کی هربیر یئلینن دورد طرفه هی چونه نه
اولاسان او باغا باغبان کی حاصیل لی اولاجاق
حیف دیر زحمتیله سو وئره سن هر بیته نه
سئوه سن مهر و محبت بیله نی دونیا بویی
یوخسا نه ارزشی وار یاخچلیقی بیلمیه نه
دوزدی پیسلیق ائلی ین یاخجی گونه چیخمیاجاق
آمما کاش پیس اولانی عفو ائده انسان گووه نه
فلکین چرخی سینا گور نه حالا سالدی بیزی
یئری وار ظالم آداملار آرامیزدان اله نه
ای کیان‌هاردا گوربسن ازه لر کدخدانی
مگر اوندا کی رعییت قانینا تام به له نه
کیان تبریزی