بیرده دونیایه گه لم من سنی تکرار ائله رم
هامی‌مه رولار ایچینده سنی دیلدار ائله رم
اورگیمده قالا بیلمز دئمییم عشق سوزون
بیر به بیر سئوگی لری شعریله اظهار ائله رم
سنی لیلا بیله لی قیس زمانه اولالی
عشقیمی‌جار چکه رم شهره‌ی بازار ائله رم
آنللایام اوزگه گلیب کویووا ترسه دولانیر
بئله بیگانه لری خشمیله بیزار ائله رم
چکه لر محکمیه تا کی دئیم حق سوزومی
قورخوسوز نعره چکیب عشقیمی‌اقرار ائله رم
امر ائده زاهد سالوس کی سنی ترک ائلییم
سایمارام سوزلرینی صحنه ده پیکار ائله رم
بو "کیان" دیر یازیری شانلی غزل
دیلدارینا
سویله ییر یار آدینا دیوانی گولزار ائله رم
کیان تبریزی
6 اسفند 98