گورشک

							
							بازدید : 614

							دوشنبه 10 فروردين 1399 زمان : 2:40

										1
									
										2
									
										3
									
										4
									
										5

منی آتماز مارالیم اوزگیه دیلدار اولماز

غمیمه همدیم اولوب یادلارا غمخوار اولماز

اورگین باخچاسینا دورنا کیمی‌جان بوراخار

آیری باغلاردا گئدیب عشوه لی بیر سار اولماز

لیلی یه اوخشاری وار من ده اونا قیس کیمی

بئله بیر سئوگی هل البت رقیبه یار اولماز

سئویرم یاریملا اولسا گئیاق بیر لیباسی

بللی دیربیر بئله کوینک بیزه هچ دار اولماز

گورشک بیر قرار اوسته اینکیمیز خلوت ده

داها بو سیرر قالار خالق آراسی جار اولماز

عشقیمین آوازینی گونده مغننی اوخویا

اشیدنلر سئوینر بیله قولاخ کار اولماز

" کیان " نین سئوگیلیسی ایلقارینا باغلیدی چون

منیله خوش دانیشار صحبتیمیز تار اولماز

6 فروردین کرونایی سال 99

کیان تبریزی